অ’বুলবুল অ’ তুলতুল

অ  সেউতী তৰা

লুকা-ভাকু ভাল নালাগে

খেল কইনা দৰা ।

তুলতুল আমাৰ কইনা হওক

বুলবুল হওক দৰা

মই নামতী নাম লগাই দিওঁ

দৰাঘৰীয়াক  যোৰা

অ’ সেউতী ই দৰা মাক

ঘট-টেকেলী ধৰা ।

কোৰোকাৰে দুৰলীতে

চাউল হব বালি

কচু পাতত শলাকানি

সেয়ে হ’ব চাকি

পানী-পচাত পানী তুলিম

দুৰণিৰ ঘাট গড়া ।

পাতাবাহাৰ পাত আনি

বেই খনি ল’ম সাজি

মিছা-মিছি হালধিৰে

দুইকো নোৱাম আমি

তৰাই ল’ব তুলতুলক

সেউতীয়ে বুলবুলক

দাঙি আনি বহুৱাম

বেই তলৰ পৰা ।

মোৰ মৰমৰ বর্ণিল জোন...